بقلم الشاعر محمد لمليجي- بوردو-فرنسا
يا دار الناس الكرام يا دار السخاية
فيك الجود طبع ثابت وفيك أصل العناية
من بابك كيبدا تاريخ عامر بالرواية
وفي كل درب قديم كتسكن حكاية
باب سيدي عبد الوهاب شامخ فالبناية
شاهد على مجد الرجال وعلى حسن الرعاية
فالركادة صوت الشرق كيزيدك زهاية
ونغمة شيوخك كتفرح كل سهرية
يا مدينة الصالحين يا زينة الهداية
فيك القلب كيلقى راحة وفيك حسن الرعاية
والسعيدية حد البحر تزيدك حكاية
واحفير حد الجوار كتشاركك المحبة السخية
من كل مدن المغرب توصلك التحية
وكل قلب عاشق ليك كيهديك غناية
فيك العلم نور ساطع وفيك الثقافة منارة
وفيك الفن الأصيل باقي عايش فالرواية
ناسك أهل الوفا والنية عندهم صفاية
والضيف عندك عزيز والكرم عندك غاية
يا وجدة يا بنت الشرق يا حرة وأبية
تبقي ديما شامخة وعالية الراية
ما يبدل حبك وقت وما تنساك الحكاية
تبقي فالقلب محفورة بحروف من رعاية
واليوم نرفع صوتي ونعلنها بلا دراية
وجدة يا فخر الشرق يا أجمل حكاية.
