عبد الله شوكا، كاتب وصحافيالمغرب
جنين صغير جيت للدنيا
وترعرعت وتعلمت الحبيا
وهزوني اليدين وأنا تربيا
وطحت ونضت في المشيا
هكذا جيت وكانت البداية
وشوية وقفت على رجليا
ودازت سنين وعوام
زدت في القد والقوام
وتصاوب لساني في الكلام
وبدا راسي يرطبو الحجام
وكبرت وحق علي الصيام
وبديت نفكر نحقق الأحلام
زاد عمري ودكيت الأوتاد
وتزوجت وولدت الأولاد
ومع الأيام ولفت العناد
وتقلت وربطني الكياد
وشوية ولاو عندي الأحفاد
ودرت التريكة في البلاد
مع بنادم العقل والبال يحير
ينسى جا للدنيا جنين صغير
يا بنادم غير نوي ودير الخير
علاش التعالي وأنت حقير
تفكر نهار جيتي للدنيا صغير
تلعب برجيلاتك فوق السرير
