زجل: عبد الله شوكا
سماوني أنا بنادم
أنا مجرد لحم ودم
باغي نقرا وباغي نتعلم
وباغي نحقق وباغي نفهم
تمنيت بنادم ما يحمل هم
وفي عالم ما يكون ظلم
سوا مسيحي سوا مسلم
علاش بيناتنا قليان السم
بعالم بلا حدود كنترجى وكنحلم
لا فرق بين مسلمين وعجم
الله وحده بي كيعلم
على خويا ما نقدر نزطم
علاش الحكرة وعلاش الظلم
وحنا خوت، بشر وبنادم
بغيت نهضر، بغيت نتكلم
علاش ما كاين غير سب وشتم
على حالنا فاض القلم
ولسان غيرنا يزمم ويتكلم
شبابنا ما كاين غير دخن وبرم
المخدرات خلات الثقافة والعلم
يا قاضي كيف علينا غادي تحكم
تخلط الذيب مع الشياه والغنم
زمان صعيب، هذا التاريخ كيزمم
حروب، وسرقة، وبطش، وقتل، وظلم.
